Жалпы автор өз мақаласында қылмыстық іс жүргізу заңнамасы өзінің бірде бір нормасында процессуалдық құжаттардың кеңейтілген ұғымын түсіндірмейтіндігін толыққанды қарастырып өтеді. Бірақ қазіргі таңдағы заң күші бар ҚПК-сін талдап қарастыратын болсақ онда қылмыстық сот ісін жүргізуде қолданылып жүрген бірқатар құжаттарды байқауға болады.

Сонымен бірге, бірқатар нормаларда құжаттар, олардың нысандары мен мазмұндары көрсетілгенмен олардың ұғымдары көрсетілмейді. Және белгілі бір әрекеттердің сипаттарын жазбаша түрде бекіту туралы ескертіледі, бірақ ол құжаттың аты заңмен көрсетілмейді. Осыған орай, процесуалдық құжаттың кеңейтілген ұғымының заңмен анықталмауы, және нормалардағы өзге де түсініксіз мән-жайлар олардың мазмұндарын теория мен тәжірибе жүзінде әрқалай түсінуге әкеп соғады. Сондай-ақ кейбір процесуалдық мәнге ие болатын құжаттар қылмыстық процесуалдыққа сөзсіз жатпайды.