Зерттеуде әкімшілік жауапкершілік саласындағы әкімшілік процедуралық құқықтық қатынастарды жіктеудің теориялық моделі жасалды. Әкімшілік құқықтық қатынастарды жіктеу мәселесін зерттеу осы мәселеге деген кӛзқарастардың әртүрлілігі туралы қорытынды жасауға негіз береді. Әкімшілік процедуралық құқықтық қатынастар әкімшілік құқықтық қатынастардың жалпы белгілерімен сипатталады. Әкімшілік процедуралық құқықтық қатынастарды жіктеудің теориялық моделі жіктеу негіздерінің тізімімен едәуір байытылған. Қазіргі доктриналық қайнар көздердің негізінде әкімшілік іс жүргізу құқықтық қатынастарының түсінігі мен белгілерін анықтау мәселелері; әкімшілік іс жүргізу құқықтық қатынастарының морфологиялық құрылымының сипаттамалары; құқықтық қатынастар теориясындағы әкімшілік іс жүргізу құқықтық қатынастарының даму тенденциялары мен заңдылықтарын анықтау ӛзекті болып табылады.