Қылмыстық саясатты ізгілендірудің жалпы әлемдік үрдістерінің дамуы аясында бас бостандығынан айыруға балама қылмыстық ықпал ету шараларын қолдану мәселесі Қазақстан Республикасы үшін ерекше маңызды болды.
Зерттеу түрмеге қамаудың баламалары институтының халықаралық құқықтық реттеуін ретроспективті талдауға негізделген. Бұл жұмыста халықаралық-құқықтық актілердің ережелерін ұлттық заңнамаға енгізуге байланысты халықаралық және өңірлік деңгейлердегі құқықтық үрдістерге шолу және талдау жүргізілді. Зерттеу түрмеге қамау баламаларының тиімділігінің қолда бар дәлелдерін зерттеуді ұсынады. Пробация, қоғамдық жұмыстар, электрондық мониторинг сияқты баламалы жазалау шараларын қолдану дәстүрлі түрмеде отырумен салыстырғанда рецидивизм деңгейінің төмендеуіне оң әсер етеді. Бас бостандығынан айырудың баламаларын қолдану-жазаны ізгілендіруге, сотталғандарды оңалтуды жақсартуға және қоғамдық қауіпсіздікті қамтамасыз етуге бағытталған қылмыстық сот төрелігі жүйесін реформалаудың тиімді стратегиясы.