ҚР Бас прокуратурасы 2023 жылы аталған нормаларды жаңа субъект - коллекторлық агенттіктердің қызметкерлерімен толықтыру арқылы ҚР ҚК-нің 251 және 252-баптарының редакцияларына өзгерістер енгізу туралы заңнамалық бастама көтерді. Қазіргі уақытта тиісті өзгерістерді (толықтыруларды) заңнамалық қабылдаудың орындылығы мен заңдылығы мәселелері бойынша пікірталастар жүріп жатыр. Атап айтқанда, Қазақстандағы парламентаризмді дамыту қоры Қазақстан коллекторлары қауымдастығымен бірлесе отырып, Абай атындағы ҚазҰПУ Тарих және құқық институтының құқықтану кафедрасы мамандарының қатысуымен Қазақстан Республикасы Бас прокуратурасының ұстанымымен келіспеушілігін негіздеуге талпынысты. 2023 жылғы 30 қарашада Астана қаласында өткізілген сараптамалық кездесуге қатысушылар ҚР ҚК-нің 251 және 252-баптарының қолданыстағы редакциясын сақтау пайдасына тиісті дәлелдер білдірді.