Мақалада алименттік міндеттемелерге байланысты істер сот қызметінде маңызды орын алатынын, өйткені алименттік құқықтық қатынастардан туындайтын даулардың басым көпшілігі келісім болмағандықтан, соттардың соттылығына жататыны айтылады. Аталған санаттағы дауларды шешудің материалдық-құқықтық негізі отбасы заңнамасының нормалары болып табылады.
Авторлар алимент төлеу және өндіріп алу мәселесінің тарихи-құқықтық аспектісін зерттей отырып, алимент төлеуді дамытудың негізгі кезеңдеріне тұжырымдама жасады. Мақалада сондай-ақ, алиментті келісім бойынша төлеуге және сот тәртібімен алимент өндіріп алуға байланысты бірқатар тәжірибелік мәселелер қарастырылып, нормативтік-құқықтық базаға тиісті түзетулер енгізу туралы мәселені қарау қажеттілігі көрсетілген.