Абай атындағы ҚазҰПУ Хабаршысы. Юриспруденция сериясы

Абай атындағы ҚазҰПУ хабаршысы. «Юриспруденция» сериясы

Абай атындағы Қазақ ұлттық педагогикалық университеті «Хабаршы» журналының «Юриспруденция» сериясы «Хабаршы» деген ортақ атаумен және әртүрлі сериялар шеңберінде тақырыптық бағыттар бойынша сараланған Абай атындағы Қазақ ұлттық педагогикалық университеті журналдық басылымдарының жалпы жүйесіне кіреді. «Юриспруденция» сериясы Қазақстан Республикасының Мәдениет және ақпарат министрлігі тарапынан 2009 жылғы 8 мамырда №10111-Ж куәлігімен тіркелген.

Ғылыми журнал жылына 4 рет шығарылады. Журналдың полиграфиялық басылымы Абай атындағы Қазақ ұлттық педагогикалық университеті жанындағы «Ұлағат» баспасында жүзеге асырылады.

Басылым тілдері: қазақ, орыс және ағылшын тілдері.

Журналдың тақырыптық бағыттары:

- Мемлекет пен құқықтың жалпы теориясы. Мемлекет және құқық тарихы.
- Конституциялық құқық. Әкімшілік құқық және процесс.
- Азаматтық құқық және процесс. Еңбек құқығы. Білім беру құқығы.
- Қылмыстық құқық және процесс. Криминология. Криминалистика.

Журнал Ұлттық мемлекеттік ғылыми-техникалық сараптама орталығы(ҰМҒТСО) АҚ-ның Қазақстандық дәйексөз келтіру базасында (ҚазДКБ) индекстеледі.

Журналдың әрбір саны авторлар туралы мәліметтермен бірге жарияланады, сондай-ақ редакцияға жариялау үшін қолжазбаларды ұсыну ережелері орналастырылған. Әр мақалаға DOI нөмірі беріледі.

Оқырмандар мен әлеуетті авторлардың кең қолжетімділігін қамтамасыз ету мақсатында журналдың әрбір саны сайтта электрондық форматта орналастырылады.